Campionatos de Galicia Individuais

O día 27 de maio celebrouse no Barco de Valdeorras o Campionato de Galicia Individual Sub-16, no que os nosos atletas acadaron un total de cinco medallas. Daniel Mato proclamouse campión galego en lazamento de xavelina e foi terceiro en 300 metros lisos. Pablo Alonso resultou campión galego no salto de altura, e Zulfa Muíño foi prata en 3000 metros marcha. Iago Cid acadou o bronce en lanzamento de xavelina, proba na que Pablo Alonso foi cuarto. Destacar tamén os cuartos postos de Iago Cid no salto con pértega, Uxía Fernández nos 100 metros valados, e Teodora Ruso nos 1500 metros obstáculos.

O Campionato de Galicia Individual das categorías Sub-10, Sub-12 e Sub-14 tivo lugar en Pontevedra o día 9 de xuño. Para este campionato lograron a clasificación 30 atletas do club. Na categoría Sub-12 Irene Vidal proclamouse campiona galega en salto de altura, sendo Pablo Cariñena cuarto nos 60 metros lisos. Na categoría Sub-14 Daniel Cariñena foi vencedor e campión galego en lanzamento de disco, e subcampión en 80 metros lisos. David García proclamouse campión galego en salto de altura. Destacan tamén os cuartos postos de Matías Barca en 80 metros lisos e 80 metros valados, Mario Vilar no lanzamento de peso, e David García no triple salto, sendo Roi Manteiga quinto nesta proba.

Daniel Cariñena Bronce no Campionato de España Sub-14 individual

Os días 2 e 3 de xuño disputouse nas pistas de atletismo de San Fernando, Cádiz, o campeonato de España Infantil individual, no que participou Daniel Cariñena López na especialidade de Triatlon D. Este triatlon está formado polas probas de 80 metros lisos, lanzamento de peso e lanzamento de disco. Tras unha extraordinaria competición durante as dúas xornadas, Daniel Cariñena alzouse cunha merecida medalla de bronce, a primeira medalla nacional do club en categoría masculina e segunda na súa historia.

Campionatos de Galicia por Clubs 2017-2018

Resumimos a participación do Millaraio nas competicións por equipos desta tempada, destacando os resultados dos equipos masculinos sub-14, prata no campionato galego celebrado en Lugo o 12 de maio, e sub-16, bronce no campionato galego celebrado na Coruña o 5 de maio, e no que resultou quinto o equipo feminino.

No campionato de Galicia de relevos celebrado en Ourense o 17 de maio, o equipo sub-16 acadou dous podios, sendo prata no relevo 4x100m e bronce no relevo 4x300m. As rapazas sub-14 quedaron en cuarta posición no relevo 4x80m.

Control de marcas cancelado

O control de marcas foi cancelado a día de hoxe por decisión do comité de xuíces da Federación.

Control de Marcas en Santiago

O sábado 3 de marzo, en xornada de tarde, o club colabora no desenvolvemento do control de marcas organizado pola Universidade de Santiago de Compostela e a Delegación de Santiago da Federación Galega de Atletismo, que terá lugar nas pistas de atletismo da USC.

Regulamento e inscricións na web da FGA.

Excelente participación do club no XI Campionato de Galicia Sub10, Sub12 e Sub14 de Pista Cuberta

Este ano 24 atletas do club participaron no Campionato Galego Sub10(BEN) – Sub12(ALE) – Sub14(INF) celebrado na Pista Cuberta de Expourense o 25 de febreiro. Esta alta participación deu lugar a moitas melloras de marcas persoais, e a consecución de cinco medallas, entre elas un campionato galego.

Doblete do club nos 60 metros lisos sub14, sendo ouro e campión galego Daniel Cariñena, e prata Matías Barca, cun tempo na final de 8.19 e 8.36 segundos respectivamente.

Medalla de prata para Ariana Collazo no lanzamento de peso sub10, que se foi ata os 5.92m.

Bronce para Ángela Eiras no triple salto sub14, con 9.31m.

E bronce tamén para Matías Barca nos 60 metros valados sub14, cun tempo de 10.80 segundos.

Parabéns a todos os participantes!!!

Máis fotos do campionato no Facebook.

Lotería de Nadal: número 90225

Estimados soci@s,

loteriaXa temos dispoñible a lotería de Nadal do club para os que queirades comprar ou ben vender participacións. Temos o número 90225, en participacións de 5 euros con 0,80 de donativo para o clube. Hai talonarios de 10 ou 25 participacións. Os que queirades comprar ou axudar a vender poñédevos en contacto con algún membro da Xunta Directiva. Dádevos presa que xa se están acabando!!

Moitas grazas.

PROCESO DE ALTA

Para formalizar a alta dun novo atleta, unha vez enviado o formulario de preinscrición, descargue e cumprimente os seguintes documentos:

Ficha Tempada 2017-18

Domiciliación bancaria

Domiciliacion bancaria editable en libre office

Envíe por correo electrónico os documentos cubertos á conta:

altaerenovacion@millaraio.es

IV CAMPUS DE ATLETISMO MILLARAIO

Un ano maís presentamos o IV Campus de Iniciación ó Atletismo de MillaRaio que se celebrará no Complexo Deportivo de Bertamirans do 4 ó 8 de setembro.

OBXETIVOS:

– PARA OS SOCIOS DO CLUBE ATLETISMO MILLARAIO: Comenzar a nova tempada dunha forma lúdica e diferente.

– PARA OS QUE NO SON SOCIOS DO CLUBE: Ofrecer unha primeira toma de contacto co mundo do atletismo dun modo divertido.

O Campus terá horario de mañá, de 09:00 a 13:30 e o precio será de 45 euros para os que non son socios do clube e 35 euros para os atletas do clube.

A inscripción farase no seguinte enlace:

INSCRIPCIÓN CAMPUS

COMIDA DE FIN DE TEMPORADA

El próximo sábado 1 de julio tendremos la comida de fin de temporada en el Restaurante Squash de Milladoiro a las 15:00.
El menú será el siguiente:

MENU INFANTIL:10 EUROS
PRIMERO: CROQUETAS Y TORTILLA
SEGUNDO: MILANESA CON PATATAS.
TARTA HELADA

MENU ADULTO: 12 EUROS
PRIMERO: TORTILLA Y EMPANADA
SEGUNDO JAMÓN ASADO
TARTA HELADA
CAFÉ

Se podrá hacer uso de la piscina del centro, para ello se tendrá que llevar calzado adecuado (chanclas) bañador y toalla.

Para hacer el pago de la comida tenemos dos opciones:

  • Efectivo, entrega a un miembro de la directiva.
  • Ingreso/transferencia. En el siguiente número de cuenta:

ABANCA: ES46 2080 0372 8230 4001 1333

En el caso de ingreso/transferencia como concepto hay que incluir el nombre del atleta.

El plazo para efectuar el pago será hasta el día 26 a las 15:00.

Podeis inscribiros a la comida en el siguiente enlace:

COMIDA DE FIN DE TEMPORADA