Inscricións / renovacións

Se estás interesado en formar parte do noso club cumprimenta o seguinte formulario:

O club porase en contacto contigo para coñecer as túas motivacións, e darte a coñecer os principais aspectos do noso club. O prazo de preinscrición de novos atletas permanece aberto ata cubrir as prazas dispoñibles para cada categoría.

Na primeira semana de setembro comunicaremos a data de inicio da tempada, na que teremos unha reunión con nais e pais e os nen@s poderán vir a descubrir como son os adestramentos e coñecer aos seus compañeiros.

Para formalizar a alta dun novo atleta, unha vez enviado o formulario de preinscrición, publicarase asimesmo no mes de setembro o documento correspondente para cubrir os datos da ficha federativa e a domiciliación bancaria dos recibos.

Formalización da renovación

Co fin de axilizar o proceso e planificar os grupos para a nova tempada, as renovacións das licencias de menores faranse automaticamente unha vez cubertos os datos no seguinte formulario (preferiblemente durante o mes de xullo):

No mes de setembro solicitarase a información adicional que se precise para a renovación das licencias da FGA.

No caso das licencias de adultos, enviarase asimesmo información en setembro sobre a renovación, e o formulario para a actualización de datos.

No caso de non querer renovar, o atleta deberá comunicar a baixa ao club tal e como se indica no seguinte apartado.

Baixa do club

Para formalizar a baixa do club deberá enviarse un correo á dirección abaixo indicada, confirmando baixa do atleta.  Dado que o cobro de cuotas é trimestral, deberase confirmar a baixa antes de comenzar cada trimestre, para evitar que se pase o recibo do trimestre seguinte.
En caso de que a notificación chegue fora deste prazo, o socio/a terá a obriga de pagar o recibo emitido.

Mais información na dirección de correo altaerenovacion@millaraio.es