Millaraio

Queres vir probar a adestrar con nós? En setembro teremos as III Xornadas de Portas Abertas: durante a semana, pola tarde, os días 11, 16 e 18 de setembro nas pistas da USC, e os sábados 14 e 21 de setembro pola mañá no campo de lanzamentos de Biduido (Ventín-Milladoiro). A actividade está aberta a nad@s en 2018 ou anos anteriores.

Por motivos de aforo, precisamos que cubrades o seguinte formulario de rexistro indicando os días que queredes participar:

INSCRICIÓN XORNADAS DE PORTAS ABERTAS – setembro 2024

Horarios das xornadas de portas abertas, por ano de nacemento e día:

Queres vir probar a adestrar con nós? A semana do 11 ao 16 de setembro teremos as II Xornadas de Portas Abertas: durante a semana, de 17:50 a 18:50 nas pistas da USC, e o sábado 16 pola mañá na área deportiva de Milladoiro. A actividade está aberta a nad@s a partir de 2016 e anteriores.

Por motivos de aforo, precisamos que cubrades o seguinte formulario de rexistro indicando os días que queredes participar:

INSCRICIÓN XORNADAS DE PORTAS ABERTAS – setembro 2023

O IX Campus de Atletismo MillaRaio celebrarase na zona deportiva do Milladoiro, en dúas quendas:

QUENDA 1: 22-23 e 26-30 de xuño:
8:30-14:30 (chegada: entre 8:30 e 9:00, recollida entre 14:00 e 14:30).
QUENDA 2: 1 e 4-8 de setembro:
8:30-14:30 (chegada: entre 8:30 e 9:00, recollida entre 14:00 e 14:30).

O campus está aberto a nen@s nad@s entre 2016 e 2010 (ambos incluídos).

Concibido como ferramenta para facilitar a conciliación da vida familiar e laboral en épocas non lectivas, ofrece aos atletas moz@s do Club a posibilidade de minimizar a perda de contacto co deporte durante as vacacións. Para pequen@s de fóra do Club, é unha opción para ter unha primeira toma de contacto co mundo do atletismo dunha forma lúdica.

Proporcionarase un horario cas actividades concretas na semana anterior ao inicio do campus, no que se indicarán os días de piscina (en función das previsións meteorolóxicas) e as diferentes actividades que se realizarán durante o campus.   Podedes consultar aquí a circular informativa completa: BASES CAMPUS MILLARAIO

Na seguinte ligazón podedes facer a inscrición ata o 16 de xuño (1ª quenda) e 24 de agosto (2ª quenda), con prezo reducido se se fai antes do 5 de xuño e 18 de agosto respectivamente:

FORMULARIO INSCRICIÓN CAMPUS

Para formalizar a inscrición, unha vez recibida a confirmación da mesma, débese enviar o xustificante de pago e o seguinte documento de consentimento asinado (Consentimento) a millaraio@gmail.com

Para calquera consulta, dirixirse a millaraio@gmail.com

Queres vir probar a adestrar con nós? Como complemento a actividade do Campus de Iniciación ao Atletismo, ofrecemos a rapaces e rapazas máis maiores a posibilidade de vir adestrar ás pistas da USC os días 21, 26 e 28 de xuño, en horario de 18:00 a 19:30. A actividade está aberta a nad@s en 2011 ou anos anteriores.

Por motivos de aforo, precisamos que cubrades o seguinte formulario de rexistro indicando os días que queredes participar:

INSCRICIÓN XORNADAS DE PORTAS ABERTAS

Finalizado o prazo de presentación de candidaturas á presidencia do Club Atletismo MillaRaio, convócase a Asemblea Xeral Extraordinaria de Socios/as que terá lugar o 4 de maio de 2023 ás 20:30 h en primeira convocatoria e ás 21:00 h en segunda convocatoria, no Pazo da Peregrina (Bertamiráns) – Sala de Exposicións (1º andar), coa seguinte orde do día:

1. Proclamación como Presidenta do Club Atletismo MillaRaio da única candidata que concorreu ás eleccións, dona Ana Albán Salgado.

Benqueridas/os socias/os:

Na reunión da Xunta Directiva celebrada o 29 de Marzo de 2023, por unanimidade, acordouse convocar eleccións á Presidencia do Club Atletismo MillaRaio, por transcurso do prazo de catro anos desde que foi proclamada a actual Presidenta, sendo a data das eleccións o día 4 de maio de 2023, entre as 18:00 e as 20:00 horas, celebrándose as votacións no Pazo da Peregrina (sala de exposicións, 1º andar) en Bertamiráns.

Podedes consultar o texto íntegro da convocatoria e o regulamento electoral no seguinte documento: Convocatoria Eleccións

Sendo requisito para a validez das candidaturas á Presidencia do Club a aportación do aval do 10% das/dos socias/os, proporcionamos un modelo orientativo de aval: Modelo_Aval

O próximo sábado día 17 de setembro teremos xornada de portas abertas para que poidades vir probar a actividade. Teremos horarios para todas as categorías, no espazo de adestramento de Biduido, detrás do colexio de Ventín (Ubicación Biduido).

Os horarios para cada grupo, segundo os anos de nacemento, son os seguintes:

9:30 a 11:00 – sub16 e superiores (2009-08-07-06-05-04)

10:45 a 12:15 – sub14 (2010-11)

12:15 a 13:30 – sub12-sub10-sub8 (2012-13-14-15-16)

O venres 16 de setembro celébrase o Día do Deporte no Concello de Ames. O club estará presente de 18:00 a 20:00 na pista deportiva exterior xunto á Casa da Cultura de Milladoiro. Animamos a participar a todos e todas os/as que queiran achegarse ao atletismo e coñecer o noso club.

O VIII Campus de atletismo celebrarase finalmente entre os días 1 e 8 de setembro na zona deportiva de Milladoiro. O campus está aberto a nen@s nad@s entre 2015 e 2009 e terá lugar en horario de mañá, salvo o último día (8 de setembro), no que coincidindo co inicio do curso escolar trasladarase a horario de tarde. A hora de inicio de mañá será a partir das 8:30 ata as 9:00, e o horario de recollida entre 14:00 e 14:30.

Concebido como ferramenta para facilitar a conciliación da vida familiar e laboral en épocas non lectivas, o campus ofrece aos xoves atletas do Club a posibilidade de ir retomando a actividade e o contacto c@s compañeir@s logo das vacacións. E para pequen@s de fóra do Club, é unha opción para ter unha primeira toma de contacto co mundo do atletismo dunha forma lúdica.

A semana anterior ao inicio enviaranse os horarios detallados de actividades do campus, que se adaptarán en función da climatoloxía.   Podedes consultar aquí a circular informativa completa: BASES CAMPUS MILLARAIO

Na seguinte ligazón podedes facer a inscrición ata o 22 de agosto:

FORMULARIO INSCRICIÓN CAMPUS

Para formalizar a inscrición, unha vez recibida a confirmación da mesma, débese enviar o xustificante de pago e o seguinte documento de consentimento asinado (Consentimento) a millaraio@gmail.com

Para calquera consulta, dirixirse a millaraio@gmail.com