VIII Campus de Atletismo MillaRaio

Retomamos os campamentos deportivos coa VIII edición do Campus de Atletismo MillaRaio, que este ano se celebrará do 1 ao 9 de setembro na zona deportiva de Milladoiro. O campus está aberto a nen@s nad@s entre 2015 e 2009 e terá lugar en horario de mañá, salvo os dous últimos días, en que se empeza o curso escolar trasladarase a horario de tarde. A hora de inicio prevista de mañá será a partir das 8:30 ata as 9:00, e horario de recollida entre 14:00 e 14:30.

Concebido como ferramenta para facilitar a conciliación da vida familiar e laboral en épocas non lectivas, o campus ofrece aos xoves atletas do Club a posibilidade de ir retomando a actividade e o contacto c@s compañeir@s logo das vacacións. E para pequen@s de fóra do Club, é unha opción para ter unha primeira toma de contacto co mundo do atletismo dunha forma lúdica.

En breve publicaremos as bases e o formulario de inscrición.

Para calquera consulta, dirixirse a millaraio@gmail.com

Nuno Castro, subcampión de España sub14

No Campionato de España Sub14 Individual celebrado en Sevilla o 29 e 30 de maio, Nuno Castro proclamouse subcampión no triatlón B cun total de 1.402 puntos, a 58 puntos do primeiro posto. Empezou a xornada noveno e no lanzamento de xavelina acadou os 39,79 metros, pulverizando a súa MMP para obter a medalla de prata.

Os outros tres atletas do club clasificados para este campionato tamén brilaron, rematando David Moreno 16° no triatlón E con 877 puntos, Nadir Moreira 21° con 840 puntos tamén no triatlón E, e Jorge García 22° no triatlón C con 806 puntos. Espectacular rendemento da nosa expedición, comandada polo adestrador João Paulo Fernández.

Todo isto é posible grazas ao apoio da Deputación da Coruña (https://www.dacoruna.gal) e á colaboración de Addomo Arquitectura Modular, Rueiro Centro de Salud Dental, Tómate más fruta, Borboriño Xeados, Córpore 360 , BJ Trainers, Panadería Xallas e 吴彩萍 (Center Paloma Milladoiro).

Campionato de Galicia Máster en Pista Aire Libre

Celebrouse en Pontevedra o 30 de maio o XXXIV Campionato Xunta de Galicia Máster en Pista ao aire libre con dobre participación do club, e un total de 3 medallas para os nosos atletas máster: prata para David López en salto de altura M45 superando o listón en 1,54 m, e prata tamén en pértega M45 (2,60 m). Bronce para Puri Cariñena nos 100 metros lisos F45 cun tempo de 15.48, sendo cuarta nos 400 metros.

Coa colaboración de Addomo Arquitectura Modular, Rueiro Centro de Salud Dental , Tómate más fruta , 吴彩萍 (Center Paloma Milladoiro), Córpore 360Borboriño Xeados, BJ Trainers, Panadería Xallas

Récord de participación do club no Campionato de España Individual Sub14

Por primeira vez, 4 atletas sub14 do club están clasificados para oCampionato de España Individual desta categoría. O MillaRaio será o club con máis participacións da comunidade galega nesta edición, que terá lugar en Sevilla. No triatlón B (1000m, salto de lonxitude e lanzamento de xavelina) participará Nuno Castro Albán, quen se clasificou na sexta posición dos 24 admitidos. No triatlón C (80m, salto de altura e salto de lonxitude) participará Jorge García Guerra. E no triatlón E (80m, lanzamento de xavelina, e 2000m marcha) participarán David Moreno Martín e Nadir Moreira Gómez.

Agradecemos o apoio da Deputación da Coruña (https://www.dacoruna.gal/portada/) para a participación nas competicións nacionais, e aos nosos colaboradores desta tempada: Addomo Arquitectura Modular, Tómate más fruta, Rueiro Centro de Salud Dental, 吴彩萍 (Center Paloma Milladoiro), Borboriño Xeados, BJ Trainers, Panadería Xallas e Córpore 360.

Mínima de Salomé Segade para o Campionato de España Sub18

A marchadora Salomé Segade conseguiu a marca mínima nos 5000m marcha para o LXX Campionato de España Sub18 que se celebrará en Huelva os días 24 e 25 de Xullo. Participando como filial no XXXVII Campionato de Galicia de Clubs Sub20 nas filas do Club Atletismo Santiago, parou o crono en 25:51.81, gañando así a proba dos 5.000 metros marcha.

Tamén contribuiron ao sexto posto por equipos femininos e terceiro global do CAS as nosas atletas Paula Dobato, cuarta na súa estrea no salto con pértega superando o listón nos 2,10 metros, e Laura Barbazán que non tivo o seu día no lanzamento de martelo, pero desfrutou da excelente experiencia.

O equipo sub16 masculino, campión de Galicia de Clubs

O equipo Sub16 masculino proclamouse vencedor no XXVII Campionato de Galicia de Clubs Sub16 disputado nas pistas do CGTD de Pontevedra o 22 de maio, destacando entre os oito mellores equipos galegas con 97 puntos. Impresionante rendimento do equipo, con destacadas actuacións individuais: 5 primeiros postos, 2 segundos e 2 terceiros.

Foron primeiros nas súas probas Alejandro Jiménez nos 300 metros, Yago Iglesias (filial da SD Compostela Atletismo) nos 3.000 metros, Noel Ferraces no salto de altura, e doblete de Alfonso Labella nos lanzamentos de martelo e xavelina. Segundos postos para para Alejandro Jiménez no salto de lonxitude e Pablo Cariñena no lanzamento de disco. Terceiros, Lucas Dagnac no triplo salto e Diego Fagúndez no seu debut na durísima proba dos 5.000 metros marcha. Lucas Pena foi cuarto nos 1.500 metros obstáculos, Álvaro Francos cuarto no salto con pértega e Pablo Leiva tamén cuarto no lanzamento de peso. Nas restantes probas, Pablo Cariñena foi 7° nos 100 metros, Hugo Santos 6° nos 600 metros, Lucas Dagnac 5° nos 1.000 metros, Álex Cabo 5° nos 100 metros valados e Lucas Lesmes 6° nos 300 metros valados.

Por unanimidade, os membros do equipo elixiron a Diego Fagúndez, para que os representase no mais alto dun podio restrinxido pola normativa COVID a un só atleta.

Graciñas coma sempre aos nosos colaboradores Addomo Arquitectura Modular, Tómate más fruta, Rueiro Centro de Salud Dental , 吴彩萍 (Center Paloma Milladoiro), Borboriño Xeados , BJ Trainers, Panadería Xallas e Córpore 360

Segunda sesión técnica do sector de lanzamentos

O sábado 15 de maio tivo lugar nas instalacións de Bastiagueiro a segunda sesión técnica do sector de lanzamentos da FGA, na que participou o atleta sub14 do club Nuno Castro, na modalidade de xavelina. Unha xornada moi ben aproveitada a pesar da choiva.

Alfonso Labella acada a mínima para o Campionato de España sub16 en martelo

O atleta sub16 Alfonso Labella lanzou o martelo ata os 48,82 metros durante a celebración da 4ª xornada da Copa Deputación de Lugo o domingo 9 de maio, acadando a mínima para o XX Campionato de España Sub16 que se celebrará en xullo en Lleida.

Campionato Xunta de Galicia de Probas Combinadas por Clubes

A fin de semana do 8-9 de maio o club participou no Campionato Xunta de Galicia de Probas Combinadas por Clubes (sábado e domingo en Pontevedra) con tres atletas da categoría sub16, aínda que finalmente non logrou entrar na clasificación final pola indisposición dun dos tres atletas que formaban o equipo (Alejandro Jiménez, que tivo que abandonar logo da primeira xornada), pero os restantes compoñentes (Álex Cabo e Álvaro Francos) finalizaron a competición individualmente conseguindo ambos melloras nas súas marcas.

Campionato Xunta de Galicia de Marcha en Ruta, A Pobra (8 de maio)

Excelentes resultados para o Club Atletismo MillaRaio no Campionato Xunta de Galicia de Marcha en Ruta celebrado en A Pobra de Caramiñal o sábado 8 de maio. Ouro para Salomé Segade nos 5km sub18, e para David Moreno nos 2km sub14, compartindo podio con Nadir Moreira que foi bronce. Bronce tamén para Manuel Labella nos 10km sub18, e prata para María Bandín en 1km sub10. Ademais, cuarto posto para Tomás Bandín nos 2km sub12, e sétimo para Carla Matos. Mágoa as descalificacións de Gabriel Novo e Eva Ojea, que servirán para aprender e mellorar de cara a próxima competición.

Salomé Segade, 5km marcha sub18
David Moreno e Nadir Moreira, 2km marcha sub14
María Bandín, 1km marcha sub10
Manuel Labella, 10km marcha sub18


Control de marcas 2 de maio de 2021

Deixámosvos aquí o álbum de fotos do Control de marcas organizado por Club Atletismo MillaRaio, Club Atletismo Noia e Club Atletismo Fontes do Sar o 2 de maio nas pistas de San Lázaro do Concello de Noia

https://www.facebook.com/media/set?vanity=clubatletismo.millaraio&set=a.3973547926072126

Campionato de Galicia sub12 e sub14 en Pista Cuberta – 2021

Nova xornada de competición moi desfrutada pol@s atletas do club. Participaron neste campionato 3 atletas da categoría sub12 e 10 da categoría sub14. Moitas melloras nas marcas, e catro medallas, con dous campións de Galicia sub14.

David Moreno venceu nos 60m valos cun tempo de 10.82.

Nuno Castro proclamouse campión no salto de lonxitude sub14 cun salto de 4,93m.

David Moreno foi prata na pértega chegando ata os 2.02m.

Nuno Castro, bronce nos 60m sub14 cun tempo de 8.07.

Mateo Dagnac foi quinto en triple (8.77m) e oitavo en lonxitude sub14 (4,27m). Laura Sanz, quinta en 60m sub14 con 8.62, e o sub12 Daniel García, quinto en peso con 7.17m. Jorge García foi oitavo en 60m valos (11.93), con 8.72 nos 60m sub14.

Bos resultados tamén para Sabela Jallas (9.66 en 60m sub14 e 12.08 en 60m valos), Carlos Álvarez (8.78 en 60m sub14), Olalla Gil (9.21 en 60m sub14), Nadir Moreira (9.20 en 60m sub14), Zoe Antonetti (9.62 en 60m sub12), Nicolás García (13.74 en 60m valos) e Xoel Vázquez (10.06 en 60m sub12).

Campionato de Galicia sub16 en Pista Cuberta – 2021

Éxito para @s participantes no Campionato de Galicia sub16 de Pista Cuberta celebrado o 13 de marzo na pista de Expourense, no que tod@s melloraron ou igualaron as súas marcas persoais.

Ouro para Noel Ferraces no salto de altura con 1.65m (MMP)

Doblete en lonxitude: Prata para Alejandro Jiménez (5.44m) e bronce para Noel (5.42m) ambos MMP. Alejandro quedou a 17 centésimas do podio en 300m, sendo cuarto nesta proba con 39.32 MMP.

Prata para Álvaro Francos na pértega con 2.84m MMP

Bronce para Lucas Dagnac no triplo salto con 11.29m MMP

A única representante feminina, Irene Rodiles, correu en 8.91 na súa semifinal de 60m. Os que se estreaban na categoría melloraron tamén as súas marcas: Pablo Cariñena 7.89 na súa semifinal de 60m, quedando sétimo na final, e 9.02m en peso, tamén sétimo. Álex Cabo quinto en peso con 9.39m, e 8.11 na súa semifinal de 60m, Lucas Pena sétimo en triplo con 10.34m. Pablo Leiva oitavo en peso con 8.40m

Reseña no xornal El Correo Gallego

Campionato Galego de Medio-Fondo e Fondo sub-16 e controis de marcas

Triple cita en Pontevedra o sábado 6 de marzo: Campionato Galego de Medio-Fondo e Fondo sub16, no que participaron Noa Piñeiro (6ª na final A) e Lucas Lesmes (2º na final C) en 600m e Diego Fagúndez nos 3000m (7º na final B), e Campionato Galego Absoluto de Lanzamentos Longos, no que competiron Torcuato Labella (6º) e Hugo Leiva (7º) no lanzamento de xavelina. Ademais, Control de Marcas no que participaron un total de 22 atletas das categorías menores, moitos deles estreándose na competición esta tempada tan complicada. E tamén tivemos un atleta competindo o venres 6 de marzo en Elviña e outro o día 7 de marzo en Ourense.

Primeiro premio do concurso de disfraces doado por Rueiro Centro de Salud Dental

O Entroido este ano tivémolo que celebrar dunha forma “alternativa” debido ás restricións para a mobilidade e para adestrar en grupo presencialmente. Aínda así, celebramos o noso concurso de disfraces a través do Zoom, deixando a entrega de premios para o momento en que nos puidesemos reunir presencialmente de novo. Unha vez pasadas as restricións máis duras para a mobilidade, Nadir Moreira puido ir recoller o seu premio ao mellor disfraz no noso concurso “online”. O premio foi doado por un dos nosos principais colaboradores, Rueiro Centro de Salud Dental, a quen agradecemos que sigan connosco unha nova tempada

Campionato de Galicia sub18-sub20 en Pista Cuberta 2021

Dúas medallas para o club no Campionato de Galicia sub18 en Pista Cuberta celebrado o 28 de febreiro en Ourense. Daniel Cariñena acadou o bronce nos 200m sub18, mellorando a súa marca na semifinal e novamente na final cun excelente rexistro de 23.98. No salto de lonxitude rematou en quinta posición.

David García foi bronce no salto de altura, rematando en oitavo lugar no triple salto.

Diego Liñares, que mellorou a súa marca, e Matías Barca pasaron á final nos 60 m valos, sendo finalmente quinto e sétimo. Ambos participaron tamén nos 60 m lisos, sendo Matías oitavo na final.

Laura Barbazán, que participaba no Campionato sub20 de Probas Combinadas, rematou na cuarta posición.

Reseña no xornal El Correo Gallego

Reseña no xornal La Voz de Galicia

Campionato de Galicia de lanzamentos longos de Inverno – sub16

Tres lanzadores do club, Alfonso Labella, Pablo Cariñena e Lucas Lesmes, participaron no Campionato de Galicia de lanzamentos longos sub16 celebrado o 27 de febreiro en Pontevedra.

Alfonso Labella proclamouse campión galego de lanzamento de martelo e subcampión de lanzamento de xavelina, logo dunha espectacular competición de martelo na que recuperándose de dous primeiros nulos chegaría ata os 44,46m na mellora!

Pablo Cariñena foi bronce no lanzamento de disco, proba na que Lucas Lesmes rematou na cuarta posición.

Reseña no xornal El Correo Gallego

Reseña no xornal La Voz de Galicia

Selección galega de marcha en ruta

A atleta sub18 Salomé Segade foi seleccionada para participar coa Selección Galega sub20 no Campionato de España de Seleccións a celebrar o 14 de febreiro en Sevilla.

Campionato de Clubs de Probas Combinadas 2020

A fin de semana do 26-27 de decembro celebrouse en Pontevedra o Campionato de Galicia de Clubs de Probas Combinadas. O MillaRaio participou cun equipo formado polos atletas Mateo Aller (sub18), Alejandro Jiménez e Álvaro Francos (ambos sub16). Pese á súa xuventude, conseguiron acadar un meritorio 4º posto na clasificación de clubes con 8108 puntos, a tan só 88 puntos do 3º clasificado.

Mateo Aller rematou na primeira posición na categoría sub18, Alejandro Jiménez foi 3º na categoría sub16, e Álvaro Francos rematou en 6ª posición.

Laura Barbazán competiu de maneira individual na categoría absoluta, rematando na sétima posición.

Campionato de Galicia de Pista Cuberta 2020 (sub12-sub14)

Os atletas sub12 e sub14 viron no pasado mes de marzo suspendido indefinidamente o seu campionato de pista cuberta, que finalmente puido celebrarse o día 19 de decembro.

Oito atletas do club desplazáronse a Ourense para este campionato. Seis na categoría sub14 e dous na categoría sub12.

Subiron ao podio sub14 Lucas Pena, que foi prata no triple salto, e Álex Cabo (aínda independente pero que estreará a súa licenza co MillaRaio no 2021) que foi bronce no lanzamento de peso.

No peso sub14 participaron ademais Pablo Cariñena (5º) e Pablo Leiva (6º). Pablo Cariñena rematou en 4ª posición nos 60ml, nos que Álex Cabo foi 7º. Nuno Castro tamén correu nos 60ml, aínda que con molestias logo de participar no salto de lonxitude (7º). David Moreno foi 4º en salto con pértega e 7º nos 60m valos. Laura Sanz lesionouse no quecemento para os 60m valos e xa non puido participar na proba, nin nos 60 ml.

Na categoría sub12, Mateo Dagnac participou no salto de lonxitude, no que foi 4º, e Uxía Manteiga participou nos 60ml.